Kalu Nan Baulok Bagadai,
Baciri Baalamat,
Kecik Utang Babayia Abih,
Gedang Utang Babayia Ansu,
Itu Ado lah utang Kain Nan Ba depo Ba eto
Utang Padi Nan Bacupak bagantang,
Utang urang badagang Baniago,
Tapi Iko Adalah Seko Lembago,
Besi Nan Taentak Kapapan,
Dawat Tatulih kakerteh,
So erat Keduo Padat,
Ketigo Idak Baicak,
Dianjak Layu,Di Anggu Mati..
Kalu Nan Bajanji Nai Empuk Peram Batu,
Nantik Masak Buah Lambiyo,
Itu Namonyo Ulit Segan Babayi,
Cikil Mintak Kurang,
Mengalik Bak batang Di ayik,
Badekuk Kelapo Digaleh,
Mengalicik Jalan Nak Lari.
Menggelintang Jalan Nak Lepeh,
Namun Demikian Adat-adat Pasko Lamo,
Ado urang Nan Memegang
Nan Memegang Genting Putus,
Nan Memegang Biang Tebuk,
Makan Nan Mangabih,
Mamancung Nan mamutus,
Nan Cedik Candikio,
Nan Arif Bijaksano,
Memegang Adat Dengan Lembago,
Dalam Ili Nan Basiring,
Mudik Nan Batepi,
Iyo lah Nenek Mamak Tali Undang Tambang Teliti,,
Mako Kito mintak Tunjuk Dengan Pengaja Dengan Beliau.